Chama Cha Mapinduzi Tawi la Moscow

TAARIFA KWA VYOMBO VYA HABARI

2011-08-22T04:32:00.000-07:00

TTAARIFA KWA VYOMBO VYA HABARI:

MAAZIMIO YA KIKAO CHA KAMATI YA SIASA ,TAWI-CCM MOSCOW :21/8/2011, MOSCOW -URUSI

Kamati ya Siasa ya Halmashauri Kuu ya tawi la CCM Moscow-URUSI imemaliza kikao chake cha siku moja, jioni ya tarehe 21/08/2011 mjini Moscow chini ya Uenyekiti wa Kaimu Katibu wa Tawi, Ndg Bakunda C.D. Pamoja na mambo mengine Kamati ya siasa ya tawi imeamua yafuatayo;

1. Kamati ya siasa ya tawi imepokea taarifa ya kiutendaji ya tawi kwa mwaka wa 2010/11 iliyowasilishwa na Katibu wa halmashauri kuu, itikadi na Uenezi wa Tawi Ndg KOLOWA.K.M na kupitisha kalenda ya vikao vyote vya tawi kwa mwaka 20111/12 ambapo kalenda hiyo inaanza kutekelezwa 1/9/2011. Aidha Kamati ya siasa ya tawi inatoa wito kwa WAJUMBE wa Vikao vyote vya tawi na vya Jumuiya, wana CCM, wapenzi na wakereketwa wa hapa URUSI kushirikiana kwa pamoja kuhakikisha kalenda iliyopitishwa inazingatiwa.Taarifa za Kiutendaji ya tawi inapatikana kupitia website ya tawi ccmmoscow.blogspot.com. au katika facebook “chama cha mapinduzi-ccm”

2 Kamati ya siasa imepokea na kuridhia taarifa ya kujiuzulu kwa aliyekuwa katibu wa fedha na uchumi wa Jumuiya ya Vijana ya tawi na Mjumbe wa kamati ya maadili ya Tawi akiwakilisha Jumuiya ya Vijana,Bi Maria Semeni Festo. Aidha Kamati ya Siasa imempongeza kwa uamuzi huo uliozingatia maslahi mapana ya chama chake na Tawi kwa Ujumla.

3. Aidha Kamati Kuu imejadili masuala mengine ya kijamii na kuwataka watanzania kudumisha Nidhamu zao huku Ugenini na kujikita ktka kuitangaza Tanzania katika nyanja mbalimbali (michezo, utamaduni,na Kuzingati ELIMU). Aidha Kamati ya Siasa ya tawi inachukua fursa hii kumpongeza Barozi wa Tanzania nchini Urusi Kepten Mstaafu JAKA MWAMBI ,na watendaji wote wa Ubalozi, pamoja na mambo mengine, kwa juhudi zao za kuwasaidia watanzania hapa urusi na Kuimarisha mkakati wa kuitangaza Tanzania kupitia Maonyesho ya Utamaduni wa mwafrika yaliofanyika hivi karibuni jijini Moscow pamoja na majukumu mengine walionayo kwa taifa katika eneo lao la Uwakilishi.

4. Kamati ya Siasa ya Tawi imejadili kwa kina Vipaombele vya Tawi kwa mwaka 2011/12 na kupitisha kwa kauli moja,kama ifuatavyo :

(a)Uboreshaji wa Mfuko wa tawi kupitia njia mbadala za Ukusanyaji wa vyanzo vya uchumi kupitia jumuiya za tawi

(b)Uzingatiwaji wa Ukusanyaji wa ada za uanachama kupitia kila Jumuiya za tawi na utoaji wa Risiti kwa kila mwanachama hai kwa mwaka 2011/12

(c) Mpango mkakati wa kuongeza wanachama wa tawi na ufunguzi wa SHINA jipya la watanzania wana-CCM ktk Mji wa TURA-URUSI. Ufunguzi wa shina hilo jipya unatarajia kufanyika October.

(d). Jitihada Endelevu za kuwa na MLEZI wa Tawi la CCM Moscow . Kamati ya Siasa ya tawi imemteua aliyekuwa katibu wa Tawi Ndg Boniphace Thomas Assenga kuwa Kiongozi wa JOPO la wajumbe watakaosimamia mchakato wa mawasiliano na Mlezi wa Tawi CCM MOSCOW na Sekretariet ya CCM ,huko Dar es salaam -Tanzania.

(e) Kuimarishwa kwa jitihada za kimawsiliano na matawi mengine ya CCM yalio nje ya Tanzania ktk lengo la kufahamiana na kubadilishana uzoefu kiutendaji, Matawi hayo ni UK, USA na ITALY.

(f) Maandalizi ya Mpango Mkakati wa Tawi katika kusheherekea Miaka 50 ya Uhuru wa Tanzania Bara

5. Kamati ya siasa ya tawi imeipongeza Sekretarieti ya Halmashauri Kuu ya Tawi kwa kazi nzuri na kuitaka iongeze kasi katika utekelezaji wa majukumu yake, ili kuhakikisha mageuzi yaliyokusudiwa yanatekelezwa kwa wakati.

6. Kuhusu suala la maadili ndani ya tawi, Kwa kuzingatia taarifa fupi iliyowasilishwa na Mjumbe wa Kamati ya Maadili ya tawi Ndg Manda Iddy Shaaban “Tawi kwa kufuata maagizo ya Chama litaendelea kusimamia maadili, na kuwataka wale waliotakiwa kujipima na kuwajibika watumie muda huo, kujipima na kuwajibika kwa masilahi mapana ya chama na tawi.”

Kamati ya siasa ya tawi imeipa kamati ya maadili muda wa wiki mbili zaidi iwe imekamilisha report ya jukumu iliyopewa na kuwakilisha mapendekezo yake katika kikao kitakachofuata.

Aidha Halmashauri Kuu ya CCM Tawi inatarajiwa kukutana wakati wowote kipindi cha mwezi Septemba-December 2011 kulingana na agizo la kalenda ya Vikao vya tawi, ambapo pamoja na mambo mengine itatathimini utekelezaji wa maamuzi yake.

Imetolewa na kuthibitishwa;

KOLOWA. K. M.

KATIBU WA NEC, ITIKADI NA UENEZI

TAWI CCM MOSCOW-URUSI

TAARIFA YA SEKRETARIETI KUU TAWI LA CCM-MOSCOW MWAKA 2010/2011

2011-08-21T15:34:00.000-07:00

Ifuatayo ni taarifa ya sekretarieti kuu ya tawi la ccm-moscow URUSI.Taarifa hii ina vipengele vifuatavyo:-

UTANGULIZI

Kwanza napenda kutoa shukrani zangu za dhati kwa kunipa nafasi hii kutoa taarifa ya utekelezaji na mwelekeo wa chama cha mapinduzi katika tawi letu hili hapa MOSCOW URUSI katika kikao hiki halali kwa mujibu wa kanuni za chama chetu CCM.

Ndugu wajumbe, kamati ya siasa ya tawi ambayo inahusisha wajumbe 12 tuliopo katika kikao hiki leo napenda kutoa taarifa hii mbele yenu ikiwa na ishara ya wazi kuwa demokrasia katika tawi letu na hata katika jumuiya zetu zilizopo katika tawi la ccm MOSCOW imekomaa vizuri na inaendelea kukuzwa na mijadala mbalimbali katika mikutano endelevu ndani ya chama cha mapinduzi (CCM) kwa ujumla.

Ndugu wajumbe: Chama cha mapinduzi tangu kimeanzishwa hapa Moscow urusi kilikuwa na mikakati mbalimbali ya kichama ili kuweza kuhakikisha kuwa tawi linakuwa imara na hatimaye kuzidi kuimarisha chama kwa ujumla.vilevile napenda kusema kutokana na sera na itikadi za chama cha mapinduzi kwa kufuata katiba ya chama na taratibu tulizojiwekea katika chama ni msingi pekee tunajivunia kama chama cha mapinduzi katika kulinda na kutetea haki na maslahi ya chama kitaifa kwa pamoja.Mbali na jukumu hilo pia ni wajibu wa chama kusaidia wananchi kuelewa serikali yao kuwa inafanya kitu gani katika kuleta maendeleo ya taifa na hatimaye kuweza kupambana na adui mkubwa wa maendeleo katika nchi yetu ambae ni umaskini.

MAFANIKIO

Ndugu wajumbe wa kamati ya sias:, kiutendaji na katika kutekeleza majukumu ya chama cha mapinduzi katika tawi letu kumekuwa na mafanikio mbalimbali na makubwa zaidi tangu kuanzishwa kwa tawi la chama cha mapinduzi Moscow.Haya yote ni katika kutekeleza majukumu ya chama cha mapinduzi tangu kilipoanzishwa.

A.KUPATIKANA KWA WANACHAMA WAPYA.

Chama cha mapinduzi tawi la mocsow limeweza kupata idadi ya wanachama wapya kwa idadi ya kuridhisha sana kutokana na matokeo mazuri ya wanachama hao kuhamasishwa kwa kiasi cha kutosha na kupelekea kuijiunga na chama cha mapinduzi tawi(CCM-MOSCOW) hii ikimaanisha kwamba nyongeza hiyo ya wanachama imepelekea tawi kuwa na idadi ya wanachama 97 kwa kipindi cha mwaka 2010/11.Vile vile jumuiya mbalimbali za ccm tawi Moscow zimeweza kuhamasisha na kuwa na idadi kubwa ya wanachama katika jumuiya hizo.Hivyo basi napenda kutoa pongezi kwa jumuiya zote mbili kwa kazi nzuri waliofanya na wanayoifanya mpaka sasa kuhakikisha chama kinakuwa na wanachama wengi kuanzia ngazi ya tawi mpaka kwenye jumuiya zake.Napenda kusema kuwa mafanikio haya hayakupatikana hivi hivi bali kutokana na shughuli mbalimbali tulizoweza kuzifanya kupitia tawi na jumuiya zake kwa ujumla.Kwa mfano sherehe mbalimbali zilizofanyika kwa kipindi tofauti tofauti za kichama na jumuiya zimeweza kuhamasisha watu wengi kujiunga kutokana kazi nzuri tunayoifanya katika tawi.Hivyo basi napenda kutoa ombi kupitia tawi zoezi hili tunalolitumia mara kwa mara la sherehe katika kuhamasisha watu liwe endelevu,ingawa naamini kuwa uhamasishaji wa mtu mmoja mmoja upo lakini sio wa kutosha sana ikilinganishwa na sherehe.

B.MAWASILIANO KATIKA TAWI.

Ndugu wajumbe wa kamati ya siasa: chama cha mapinduzi tawi la MOSCOW-URUSI limeweza kuimarisha mawasiliano mazuri kwa ukaribu zaidi kupitia uongozi wa tawi na jumuiya zake hivyo kupelekea tawi kujulikana zaidi kitaifa na kimataifa katika matawi mengine yaliyopo ndani na nje ya nchi ya Tanzania.Kwa kipengele hiki cha mawasiliiano napenda kutoa pongeza kwa mwenyekiti wa tawi Dr.Kamuzora kwa kazi nzuri anayoifanya katika kuhakikisha chama cha mapinduzi tawi la MOSCOW-URUSI linafahamika zaidi kutokana na safari mbalimbali anazozifanya akiwa nyumbani Tanzania na kuweza kupita katika ofisi mbalimbali kitaifa na kutufikishia ujumbe wa uwepo wa tawi la CCM- Moscow-urusi na hivyo tawi kupewa kipaumbele zaidi.Vilevile pongezi hizi sio tu kwa Dr.kamuzora pia hata kwa viongozi wengine katika chama wanaojituma katika kuhakikisha mawasiliano ya chama katika Nyanja mbalimbali yanapalekea tawi la CCM MOSCOW-URUSI kufahamika zaidi.Kwa mfano jumuiya ya wanawake na jumuiya ya vijana katika tawi zinafahamika sana kutokana na mawasiliano mazuri yaliopo na yanayoimarishwa katika jumuiya hizo kupitia viongozi wake na hivyo basi kupelekea chama kufahamika zaidi pamoja na jumuiya zake ndani na nje ya Tanzania.Hivyo basi napenda kutoa ombi kuwa uimarishwa mzuri wa mawasiliano katika chama na jumuiya uwe wa hali ya juu na upewe kipaumbele cha kutosha katika kuimarisha tawi letu.

C.MATATIZO.

Pamoja na kuwa na mafanikio katika chama cha CCM MOSCOW-URUSI,pia na jumuiya zake kimekuwa kinakabiliwa na matatizo mbalimbali na hivyo kuchangia kurudisha nyuma maendeleo ya tawi letu katika utekelezaji wa dhamira na malengo mbalimbali ya chama katika tawi.Matatizo hayo ni kama ifuatavyo:-

1.MIGOGORO.

Ndugu wajumbe wa kamati ya siasa,chama cha mapinduzi katika tawi kimekuwa kinakabiliwa na migogoro mingi sana ya mara kwa mara katika nyadhifa za viongozi wa juu wa tawi na kusababisha kuondoa matumaini kwa wanachama tunaowaongoza na viongozi wengine kwa ujumla.Hali hii imesababisha watu wengi kutopenda kujiunga na chama kutokana na migogoro ambayo iko wazi na ambayo ilikuwa ikiendelea mara kwa mara ndani ya chama katika tawi.

2.NIDHAMU NA MAADILI.

Ndugu wajumbe wa kamati ya siasa,nidhamu na maadili katika chama imeshuka kwa kias kikubwa sana.Hali hii imechangiwa sana kwa viongozi na wanachama kutokuheshimiana viongozi kwa viongozi kutokuheshimiana na hivyo kusababisha nidhamu na maadili katika chama.Kutokana na kushuka huku kwa nidamu na maadili katika chama imesababisha kuondoa matumaini na uaminifu wa wanachama kwa viongozi na vilevile kuondoa uaminifu wa kiongozi katika utendaji wake katika chama.Katika kipengele hiki cha nidamu na maadili natoa ombi kwa viongozi wote kuwa nidhamu na maadili lazima vipewe kipaumbele kwa viongozi wote na wanachama kwa ujumla ili kuweza kuimarisha tawi.Vile vile napenda kuipa nafasi kamati ya nidhamu na maadili kuchukua hatua zake kikamilifu katika katika kuhakikisha nidhamu na maadili kwa viongozi inachukuliwa hatua za haraka pale inapo onekana kuwa kiongozi ameshindwa kuendana na taratibu ambazo chama cha mapinduzi imejiwekea.Kumbuka kamati ya nidhamu na maadili ni mhimili mkubwa sana kwa chama cha mapinduzi hivyo ni chombo pekee kinachohakikisha nidhamu na maadili ya viongozi katika chama inafuatwa na kutekelezwa.

3.KUSHINDWA KUKAMILISHA MALENGO YA TAWI.

Ndugu wajumbe wa kamati ya siasa,chama cha mapinduzi tawi la Moscow limeshindwa kutimiza malengo yake mengi tu ambayo tuliyapanga katika kipindi cha mwaka 2010/11 ikiwa ni pamoja na kushindwa kufanya sherehe za kuhamasisha watu kujiunga na chama cha mapinduzi Moscow vilevile na kushindwa kufanya ziara ambazo tulitaka kuzifanya kutembelea miji mingine nje ya Moscow katika kuhamasisha na kufungua mashina sehemu hizo.Hii yote imesababishwa na migogoro iliyokuwepo katika chama na kupelekea viongozi kukaa vikao kutatua matatizo ya migogoro hiyo na kuacha kufanya shughuli za kimaendeleo katika kuimarisha chama na kutanua tawi katika sehemu nyingine nje ya Moscow.Vilevile chama katika tawi kimeshindwa kuimarisha mfuko wa tawi hivyo kusababisha tawi kutegemea jumuiya katika kuendesha shughuli zake za kichama zaidi.hivyo basi basi natoa pendekezo katika kipindi hiki cha uongozi mwaka 2011/12 naomba chama kijikite katika kuboresha mfuko wa chama na kutimiza malengo yote tutakayojipangia katika kipindi hiki cha uongozi.Hivyo ni jukumu la kila kiongozi na mwanachama katika kuhakikisha malengo yote tutakayoyapanga yanatimia kuanzia ngazi ya tawi na jumuiya zake kwa ujumla.

D.MAPENDEKEZO

Ndugu wajumbe wa kamati ya siasa,chama cha mapinduzi CCM MOSCOW-URUSI kupitia kamati ya sekretarieti kuu inapenda kutoa mapendekezo yake kama ifuatavyo:-

· Ushikiano wa viongozi na wanachama kwa ujumla uwe wa uakribu zaidi katika tawi na jumuiya pia ili kuweza kufikia malengo tuliojipangia katika tawi.Hili litakuwa changamaoto nzuri sana ambayo itawezesha viongozi kufanya kazi vizuri na kwa ari na ngumu moja.

· Kuepuka migogoro na migongano katika tawi na jumuiya ambayo sio ya lazima kwa viongozi wake na wanachama.Hili tukiliondoa katika chama basi kila kiongozi atakuwa anafanya kazi kwa ufanisi kutokana na nafasi yake katika tawi au jumuiya.Na vile vile kusabisha wanachama kuamini utendaji wa kiongozi katika chama.

· Suala la kuwajibika kwa kila kiongozi lazima lipewe kipaumbele ili kuweza kufikia malengo na mataraji tuliyojiwekea kataka tawi.Kiongozi anatakiwa kuwajibika kutokana na nafasi yake alionayo ili kuweza kutambua mchango wake katika nafasi hiyo kwa kuweza kushirikiana na viongozi wenzie.Hii itatuwezesha kufanya utekelezaji wa majukumu mbalimbali tuliyonayo katika nafasi ya tawi na jumuiya kwa ujumla.

· Suala la nidhamu na maadili kwa viongozi linahitaji kusimamiwa kwa ukaribu zaidi kwa kupitia kamati ya nidhamu ili kuweza kulifanya tawi letu na chama kwa ujumla kuwa mfano bora wa kuigwa na matawi mengine ndani na nje Tanzania.

E.VIPAUMBELE:

Ndugu wajumbe wa kamati ya siasa,sekretarieti kuu ya chama katika tawi kupitia vikao vyake viwili ilivyofanya na wajumbe wa kamati hiyo kutoka jumuiya mbalimbali imetoa vipaumbele vifuatavyo:-

· 1)Uboreshaji wa mifuko ya tawi na jumuiya zote zijikite katika kuinua mifuko hiyo katika nyanja mbalimbali.

· 2)Ada ya uanachama katika tawi na jumuiya pia zipewe kipaumbele katika makusanyo yake.

· 3) Upande wa kutunisha mifuko njia mbadala elekezi za kukuza mifuko hiyo katika tawi na jumuiya.

· 4)Wajumbe wa Vikao vyote vya CCM au jumuiya wanatakiwa kuvaa sare za Chama.

· 5)Ongezeko la wanachama lazima litiliwe kipamumbele.

· 6)Kufanyika uchaguzi wa viongozi wa tawi mwaka 2012 kulingana na kalenda ya chama

· 7)Jitihada zifanyike katika kupata mlezi wa tawi.

· 8)Jitihada zifanyike ili kuweza kuwasiliana na matawi mengine ya nje ya nchi.

· 9) Mkakati wa tawi wa kusheherekea miaka 50 ya uhuru wa Tanganyika.

F. HITIMISHO

Ndugu wajumbe wa kamati ya siasa mwisho napenda kuchukua nafasi hii kwa kutoa shukarani zangu kwa kuweza kunisikiliza kwa umakini zaidi kuhusu taarifa hii ya sekretarieti ya chama tawi ambayo inatakiwa kupitishwa na halimashauri kuu ili iweze kwenda kwa wanachama kwa ajili ya kutoa mtazamo na dira ya chama cha mapinduzi tawi la Moscow siku ya mkutano mkuu wa wanachama wote.Asanteni sana kwa kunisikiliza kwa makini naamini yale yaliyomo katika taarifa hii na kuweza kuyasikiliza kwa umakini naamini kila kiongozi atayabeba na atayafanyia kazi vya kutosha ili kuweza kukuza demokrasia ya taifa na utawala bora kwa serikali yetu ya Tanzania.

ASANTENI

KOLOWA.K.M 21/8/2011

KATIBU WA NEC, ITIKADI NA UENEZAJI TAWI

KIKAO CHA KWANZA CHA SEKRETARIET MPYA: TAWI LA CCM-MOSCOW: JUMAPILI , 7/8/2011

2011-08-03T11:24:00.000-07:00

Ndugu Mjumbe:

Kwa mujibu wa kanuni za Chama Cha Mapinduzi na Hadidu za Rejea za Mwongozo wa tawi la CCM Moscow, UNATAKIWA KUHUDHURIA KIKAO CHA SEKRETARIET YA TAWI la CCM MOSCOW ,kitakachofanyika siku ya Jumapili , tarehe 7 /8/2011 saa 16:30 Jioni - SIMBAD CAFE.

DHIMA YA KIKAO:
1.Mapitio ya Utendaji wa Jumiya zote za Tawi na Uandaaji wa taarifa kwa wanachama kwa mwaka 2010/11 itakayowasilishwa ktka vikao vya juu vya Uongozi wa tawi .

2. Kuandaa Agenda za kikao cha kamati ya siasa ya tawi.

3. Mapitio ya vipaombele vya maendeleo ya tawi kwa mwaka 2011/12.

Wajumbe wafuatao wanatakiwa kufika bila kukosa kwa kuzingatia Muda uliopangwa:.

1.Kaimu Katibu Tawi: Ndg. Chrispin Bakunda

2.Katibu wa itikadi na Uenezi Tawi: Ndg. Kassim Koloa

3.Katibu wa Uchumi na fedha Tawi : Bi Hilda Kifanga.

4. Katibu UVCCM Tawi. Ndg. Octavian Nyalali

5.Katibu wa Uchumi na fedha UVCCM Tawi . Bi. Maria Semen Festo

6.Katibu UWT Tawi: Bi. Proscovia Jaka Mwambi.

7. Katibu wa Uchumi na fedha UWT Tawi : Bi, Ezelina Mwaifunga.

NB. Kwa Maelezo zaidi au maoni, usisite kuwasiliana na Mamlaka ya Utendaji kupitia mtandao wa facebook “chama cha mapinduzi-ccm” au Kwa Email .ccmmoscow@gmail.com . kwa kusoma taarifa za utendaji tembelea blog ya tawi ccmmoscow.blogspot.com

"TUMETHUBUTU ,TUMEWEZA na TUSONGE MBELE":

Imetolewa na

OFISI YA KATIBU WA TAWI : 3/8/2011

TAWI LA CCM MOSCOW , SHIRIKISHO LA URUSI.

TAMKO LA MKUTANO WA KAMATI KUU YA CCM DODOMA:- 1/8/2011

2011-08-01T09:21:00.000-07:00

Mwenyekiti wa CCM Rais Dr.Jakaya Mrisho Kikwete akiongoza kikao cha Kamati kuu ya Halmashauri kuu ya CCM mjini Dodoma leo asubuhi.Wengine katika picha kutoka kushoto ni wajumbe wa kamati hiyo Rais mstaafu awamu ya pili Mzee Ali Hassan Mwinyi,Rais Wa Serikali ya mapinduzi ya Zanzibar Dr.Ali Mohamed Shein, Rais Mstaafu wa Zanzibar Amani Abeid Karume.Wengine katika picha ni katibu mkuu wa CCM Wilson Mkama na makamu wa CCM bara Pius Msekwa

Kamati Kuu ya Halmashauri Kuu ya Taifa ya CCM imemaliza kikao chake cha siku moja usiku wa tarehe 31/07/2011 mjini Dodoma chini ya uenyekiti wa Mwenyekiti wa CCM Taifa, Mhe. Jakaya Mrisho Kikwete. Pamoja na mambo mengine Kamati Kuu imeamua yafuatayo;

1. Imefanya uteuzi wa makatibu ishirini na saba (27) kujaza nafasi zilizokuwa wazi katika wilaya hizo. (majina na wilaya zao yameambatanishwa). Pamoja na uteuzi huo, Kamati Kuu imetengua uteuzi wa Makatibu wa Wilaya watatu (3) katika kuboresha ufanisi wa kazi katika wilaya hizo.(majina na wilaya zao yameambatanishwa).

2. Kamati Kuu imepokea na kuridhia taarifa ya kujiuzulu kwa aliyekuwa Mjumbe wa Halmashauri Kuu ya Taifa ya CCM kuwakilisha Mkoa wa Tabora, Ndugu Rostam Aziz. Aidha imempongeza kwa uamuzi huo uliozingatia maslahi mapana ya chama chake.

3. Kamati Kuu imepokea pia taarifa ya kujiuzulu kwa aliyekuwa Mbunge wa Igunga, Ndugu Rostam Aziz na kuagiza chama kupanga ratiba ya mchakato wa kumpata mgombea ubunge wa Jimbo la Igunga itakayozingatia ratiba ya Tume ya Taifa ya Uchaguzi juu ya uteuzi wa mgombea. Aidha Kamati Kuu imeagiza shughuli zote za kampeni kutafanywa na CCM Mkoa, Wilaya na ngazi zote za chama wilayani Igunga. CCM Taifa watashiriki kuongeza nguvu. Chama kinatoa wito kwa wana CCM, wapenzi na wakereketwa wa chama chetu kushiriki kwa pamoja kuhakikisha jimbo linabaki kwa CCM.

4. Kamati Kuu haijaridhishwa na kiwango cha bei ya mafuta ya taa nchini kwa kuwa ndio nishati inayotumiwa na wananchi wengi wenye kipato cha chini. Aidha Kamati Kuu haikuridhishwa na maelezo ya kupandishwa kwa bei ya mafuta hayo kwa kisingizo cha kuzuia uchakachuaji wa mafuta mengine. Hivyo basi, Kamati Kuu imeiagiza Serikali kutafuta njia za kushusha bei ya mafuta ya taa na kuvitaka vyombo vya Serikali vinavyohusika na usimamiaji wa ubora wa mafuta, vihakikishe vinatimiza wajibu wake kuzuia kabisa mtindo wa uchakachuaji wa mafuta nchini na si kupandisha bei ya mafuta ya taa kama suluhisho.

5. Kamati Kuu inasikitishwa na tatizo la umeme nchini kwani athari zake kwa uchumi wa Taifa na mtu mmoja mmoja ni kubwa. Hivyo basi imeitaka Serikali kutumia muda iliyopewa wa kurekebisha Bajeti ya Wizara ya Nishati na Madini kuja na mpango wa dharura wa kunusuru hali hii na kisha kulimaliza kabisa tatizo la umeme nchini.

6. Aidha Kamati Kuu imejadili masuala mengine kama; migogoro ya ardhi, tatizo la bei ya pamba, tatizo la uuzaji wa mahindi, migogoro migodini, masuala yanayohusu kero za Muungano na kuagiza Serikali kuyashughulikia kwani yanatatulika.

7. Kamati Kuu imeipongeza Sekretarieti ya Halmashauri Kuu ya Taifa kwa kazi nzuri ya kutekeleza maamuzi ya NEC na kuitaka iongeze kasi katika utekelezaji huo, ili kuhakikisha mageuzi yaliyokusudiwa yanatekelezwa kwa wakati. Aidha imejadili na kupitisha miundo mipya ya Idara ya Itikadi na Uenezi na Idara ya Mambo ya Siasa na Uhusiano wa Kimataifa.

8. Kuhusu suala la maadili ndani ya Chama, Chama kinaendelea kusimamia maadili, na kuwataka wale waliotakiwa kujipima na kuwajibika watumie muda huo, kujipima na kuwajibika kwa masilahi mapana ya chama. Aidha Halmashauri Kuu ya CCM Taifa inatarajiwa kukutana wakati wowote mwezi Septemba, ambapo pamoja na mambo mengine itatathimini utekelezaji wa maamuzi yake.
Imetolewa na:-

Nape M. Nnauye (MNEC)

KATIBU WA NEC, ITIKADI NA UENEZI

DODOMA

1/8/2011

TAARIFA KWA VYOMBO VYA HABARI

TUMETHUBUTU ,TUMEWEZA, na TUNASONGA MBELE.

2011-07-27T02:18:00.000-07:00

Nape Nnauye akiwa anahutubia Mkutano wa hadhara Mbeya.

Wakizungumza kwa nyakati tofauti uwanjani hapo Mjumbe wa Halmashauri kuu ya CCM Taifa na Waziri wa Afrika Mashariki Samwel Sita,Christopha Ole Sendeka mbunge wa jimbo la Simanjiro pamoja na Dr.Harrison Mwakyembe mbunge na Naibu Waziri wa Ujenzi na Miundombinu walisema kuwa azma yao ya kupambana na mafisaji bado ipo pale pale.

’Ndugu zangu Nyoka akijivua gamba ni kweli sumu huongezeka lakini pia ngozi yake huwa nyororo na anaweza kukimbia vizuri na sumu ambayo imeongezeaka CCM ni kuwabaini na kuwaondoa waovu wote ndani ya chama na Serikali kwasababu watendaji wa Serikali ni wauza duka linalomilikiwa na CCM’’ alisema Nape.

Aidha, alikemea tabia za wauguzi wanaowatukana akina mama wajawazito wanapoenda kujifungua kwa kuwatamkia maneno ya kejeri, Polisi wanaogeuza matatizo ya wanaopelekwa vituoni kuwa biashara kwao na maofisa watendaji wa Vijiji na kata wanaotaka fedha wakati wa kusaini fomu za dhamana na nyaraka mbalimbali zikiwemo zile za mikopo ya vyuo vikuu.

Kwa upande wake Mbunge Samwel Sitta aliongeza kuwa hawatanyamaza kamwe hadi pale watakapo hakikisha dhana ya Mwenyekiti wa chama hicho Taifa Jakaya Kikwete ya ‘kujivua gamba’ inakamilika kwa wale wote ambao hawako safi ndani ya chama hicho kwa kuachia madaraka waliyonayo ndani ya chama na Serikali kwa manufaa ya chama na wananchi kwa ujumla, huku akisahau kuwa aliwahi kumkejeli Rais Kikwete na kumwambia kuwa anapaswa kuongeza ukali kidogo katika maamuzi yake.

“Wakati tunapiga kelele bungeni kuhusu mafisadi mimi na wenzangu,baadhi ya wenzetu walituchukia sana na kujenga chuki dhidi yetu kiasi cha wengine kutaka kuninyang’anya kadi ya chama lakini nilisimama imara na leo tunayaona matunda” alisema Sita.

Dr. Mwakyembe alisema kuwa wananchi hasa wanachama wa CCM wanapaswa kuwapuuza wale wote wanaosema kuwa Serikali imeshindwa kuchukua maamuzi magumu na kwamba maamuzi magumu yanaweza kufanywa na watu wasiokuwa na hekima wakiwemo vibaka na Majambazi.

‘’Maamuzi magumu yanafanywa hata na vibaka lakini Serikali ya awamu ya Nne inafanya maamuzi Sahihi na makini’’ alisema Dr. Mwakyembe huku akitafsiliwa kuwa ni majibu dhidi ya Mbunge wa Jimbo l Monduli Edwar Lowasa ambaye hivi karibuni amenukuliwa akisema kuwa Serikali iliyopo madarakani inaumwa ugonjwa wa kutochukua maamuzi magumu.

Alisema kuwa, Rais alipoona baadhi ya viongozi wanaenda kinyume na matakwa ya waasisi wa chama hicho,ndipo alipoamua kuanzisha dhana hii ili kurudisha sura nzima ya CCM ya zamani ambayo ilikuwa ikiwajali wakulima na wafanyakazi masikini,hivyo tuna kila sababu ya kutembea kifua mbele katika kulisimamia hili.

Mkutano huo Ulioanza kwa MAANDAMANO na UMATI MKUBWA ulihudhuriwa pia na Wabunge wa CCM mkoani hapa, Wenyeviti, makatibu na wajumbe wa ngazi zote kutoka matawi na Kata zote pamoja na wilaya zinazounda mkoa wa Mbeya ambapo jumla ya wanachama 497 wamepokelewa na kurudisha kadi huku wanachama wapya 2689 wakijiunga na chama hicho na wengine 300 kutoka vyuo vikuu vilivyopo mkoani hapa wakijiunga na chama hicho.

Wabunge waikaanga Wizara ya Kilimo

2011-07-27T01:35:00.000-07:00

MBUNGE wa Same Mashariki, Anne Kilango Malecela (CCM), ameikomalia Wizara ya Kilimo, Chakula na Ushirika, akiitaka iwatendee haki wakulima wa mahindi kwa kuwaacha wauze nje ya nchi. Akichangia makadirio ya wizara hiyo kwa mwaka 2011/2012, Anne alisema serikali haipaswi kuwazuia wakulima kuuza mazao yao, kwa kuwa nao ni wafanyabiashara ambao wanalenga kunufaika na kazi wanayoifanya. Mbunge huyo alisema serikali haina budi kubeba jukumu la kuwatumikia wananchi kwa kuhakikisha hawafi njaa, lakini iwaache wauze mazao wanayoyatolea jasho jingi shambani ili yawanufaishe. "Bei ya mazao ili imnufaishe mkulima lazima izidi gharama anazotumia lakini serikali haimsaidii kuondokana na maradhi, ujinga na umasikini kama Katiba inavyotaka," alisema. Alisema bila kilimo bora na imara nchi haiwezi kusogea na kutaja vipaumbele vinavyotakiwa kufanikisha mpango huo kuwa pembejeo, mbolea, mbegu bora na bei nzuri ya mazao.

Mbunge wa Nkasi Kusini, Desderius Mipata (CCM), aliiomba serikali ifungue mipaka ili wakulima waendelee kuuza mazao yao. "Hawa watu masikini kweli waacheni wauze mazao tena nje ya nchi. Mnapotubana kuuza mazao yetu mnataka nini? Tafuteni njia nyingine kunusuru maeneo ya njaa. Sikubaliani hata kidogo na ninyi kutufungia mipaka," alisema.

Innocent Kalogeris (Morogoro Kusini-CCM), aliiomba serikali ishughulikie vurugu kati ya wakulima na wafugaji, kwa kuwa zinaweza kusababisha vifo iwapo zitaachwa. Alisema wafugaji ndio kikwazo cha mafanikio ya kilimo na wamekuwa wakirudisha nyuma juhudi za serikali kuufanya mkoa wa Morogoro kuwa ghala la taifa la chakula. Naye Lediana Mng'ong'o (Viti Maalumu-CCM), alihoji wakulima wanaozunguka maeneo ya ziwa Victoria na Nyasa kutowezeshwa na serikali ili waondokane na kilio cha mara kwa mara cha njaa.

Kwa upande wake, mbunge wa Mpanda Vijijini, Moshi Kakoso (CCM), alitaka serikali iwathamini zaidi maofisa ushirika walioko wilayani na kuwataka wakurugenzi watendaji wa halmashauri kuacha kuwafanya kama watendaji wa ziada wasiokuwa na umuhimu. "Wakurugenzi hawawathamini, ukienda huko wanawaweka karibu na choo… pembejeo za ruzuku nazo haziwanufaishi wakulima, zinachakachuliwa na huko kwetu (Mpanda) pembezoni zinakwenda hadi Rwanda na kwingineko," alisema. Anna Abdallah (Viti Maalumu -CCM), alisema mbolea inapatikana kwa njia za magendo kutokana na serikali kuacha kuwasaidia wakulima wa korosho. Mbunge huyo alisema hakuna pembejeo za korosho kwa mikoa yote inayolima zao hilo, jambo linalosababisha mfuko mmoja wa mbolea aina ya sulphur kuuzwa sh. 50,000. "Bodi ya Korosho ilimaliza muda wake tangu mwaka 2005 ni nani anayesimamia suala la korosho?" alihoji.

Alisema kutokana na kumaliza muda wake, amekuwa akisikia wajumbe wa bodi hiyo huitwa kujadili mambo yanayojitokeza, ilhali uhalali wao umepitwa na wakati. Mbunge huyo aliomba Mdhibiti na Mkaguzi Mkuu wa Hesabu za Serikali (CAG) akague matumizi ya fedha zinazopelekwa kwa bodi hiyo. Kwa upande wake, Livingstone Lusinde (Mtera -CCM), alihoji kuendelea kutaja kilimo kuwa uti wa mgongo wa taifa wakati watendaji ni tatizo. Alisema watendaji hao wameshindwa kukibadili kilimo katika vitendo na kubaki wakihubiri na kuzungumza mambo ya kwenye makabrasha, ambayo hayana nafasi kwa sasa.

Akizungumzia kilimo, Lusinde alisema wakulima wanafanya kazi katika mazingira magumu, lakini hawana msaada wa maana wa kuwafanya waondokane na kilimo cha jembe la mkono. Mbunge Ally Keissy (Nkasi Kaskazini -CCM), alisema ni ndoto kufikia mafaniko ya kilimo wakati wakulima wanazuiwa kuuza mazao yao nje ya nchi. Alisema wakulima wa Rukwa wameahidi kuwapiga mawe wabunge wa mkoa huo kwa kuwa serikali imewazuia kuuza mahindi yao nje, wakati ambapo imeshindwa kuyanunua yote. Kuhusu vocha za ruzuku kwa wakulima, alisema utaratibu huo umegubikwa na ufisadi na kuufananisha na EPA nyingine kwa madai kuwa, wao kama wabunge wa Rukwa hawazitaki kwa kuwa usimamizi wake ni mbaya.

SOURCE: gazeti la UHURU. Junne 26/7/11

Warioba alonga

2011-07-27T01:19:00.000-07:00

WAZIRI Mkuu mstaafu, Jaji Joseph Warioba, amesema umoja wa taifa utalindwa kwa uongozi imara wa kisiasa. Amesema iwapo dira ya uongozi huo ni umoja, utaimarika lakini kama ni kinyume chake, utakuwa hatarini. Alikuwa akizungumza katika mahojiano na televisheni ya ITV, yaliyotangazwa juzi usiku.

Jaji Warioba alisema tangu nchi ipate uhuru mwaka 1961, yamekuwepo mafanikio mengi, miongoni mwa hayo ni Muungano wa Tanganyika na Zanzibar ulioasisiwa mwaka 1964. Alisema Muungano ni wa wananchi wenyewe na hautegemei orodha ya mambo ya Muungano, ambayo ni masuala ya kiserikali zaidi.

“Huu Muungano unazungumzwa sana, je, hatujaona mafanikio kwa wananchi? Mwananchi hategemei orodha ya mambo ya Muungano,” alisema. Alisema Watanzania wamekuwa wakishirikiana katika masuala mengi na kuzitumia fursa zinazopatikana katika sehemu zote za Muungano, kama biashara na elimu pasipo hata kujua iwapo mambo hayo ni ya Muungano au la. “Muungano huu umefanikiwa kuwaunganisha wananchi, hauoni wakigombana, serikali ndizo zinavutana. Tujiulize, hivi Muungano tunazungumzia wananchi au tunazungumzia serikali,” alihoji Jaji Warioba.

Alisema Muungano unapozungumzwa ulenge maslahi ya wananchi na si ya madaraka. “Tusije tukafikiri hatutakuwa na matatizo ya Muungano lakini dira ya kuyatatua ina muhusishaje mwananchi,” alihoji Jaji Warioba na kuongeza kwamba, penye mafanikio pana matatizo pia.

Alionya kuwa, demokrasia ya vyama vingi iwe chachu ya kupata mawazo mbadala na si chanzo cha kuligawa taifa kwa misingi ya ukabila, dini na rangi. “Tusipoangalia vyama vimekuwa kama makabila, wafuasi wanaanza kubaguana,” alisema na kuongeza kwamba, dalili za hali hiyo zimeanza kuonekana katika misiba ya viongozi wa vyama vya siasa. “Hili linaniogopesha, msiba unaanza kuwa mtaji wa kisiasa. Umoja wa nchi hii ni jambo la kitaifa,” alisema. Alisema viongozi wa zamani walikuwa si wasomi sana kama wa sasa, ambao ni wa ‘doti com’ lakini walihakikisha umoja wa taifa unalindwa kwa kutambua umuhimu wake.

Jaji Warioba alisema tangu nchi ipate uhuru, yapo mafanikio makubwa yaliyopatikana katika sekta mbalimbali, ikiwemo ya elimu, hivyo kuwa na wasomi wengi, sekta ya afya imekuwa na vituo vingi, na ujenzi wa barabara. Katika hatua nyingine, Jaji Warioba alisema viongozi wa kisiasa wa kuchaguliwa wanapaswa kuondolewa madarakani na wananchi waliowachagua, na si vyama. “Hawa wanaochaguliwa na wananchi hivi madaraka yao yako kwenye vyama vya siasa au madaraka yako kwa wananchi,” alihoji Jaji Warioba na kufafanua kwamba, kwa vile ni viongozi wa kuchaguliwa, wenye mamlaka ya kuwaondoa madarakani ni wananchi.

Ingawa hakutaja chama, lakini mgogoro unaoendelea kwa sasa ambao unaoana na hoja ya Jaji Warioba ni ule wa madiwani wa CHADEMA katika Halmashauri ya Jiji la Arusha, dhidi ya viongozi wa juu wa chama hicho. Uongozi wa juu wa chama hicho unawataka madiwani hao kutohudhuria vikao vya baraza la madiwani na wale wenye nyadhifa katika halmashauri hiyo kujiuzulu, la sivyo watafukuzwa katika chama. Madiwani hao wamekataa kutii maelekezo ya viongozi hao, wakisema wamechaguliwa na wananchi, hivyo waachwe wawatumikie kama walivyowaahidi

KAIMU KATIBU WA TAWI

2011-07-23T15:48:00.001-07:00

TAWI LA CHAMA CHA MAPINDUZI MOSCOW RUSSIA LINAWATANGAZIA KUWA Bw. BAKUNDA CHRISPINE DOMISIO ATAKAIMU NAFASI YA KATIBU WA TAWI HADI HAPO ITAKAPOTANGAZWA VINGINEVYO. HII NI KUTOKANA NA KUSAFIRI KWA KATIBU WA TAWI Bw. BONIFACE ASSENGA. WOTE MNAOMBWA KUTOA USHIRIKIANO WENU WA DHATI ILI KUWEZA KUENDELEA IMANI YA CHAMA CHA MAPINDUZI.

KIDUMU CHAMA CHA MAPINDUZI

IMETOLEWA NA OFISI YA KATIBU WA TAWI

MABADILIKO SEKRETARIET YA TAWI LA CCM MOSCOW

2011-07-09T06:49:00.000-07:00

TAWI LA CHAMA CHA MAPINDUZI MOSCOW NCHINI URUSI LINAPENDA KUWATANGAZIA KUWA HALMASHAURI KUU YA TAWI ILIYOKUTANA TAREHE 18/06/2011 ILIFANYA MABADILIKO YA SEKRETARIET YA TAWI NA KAMATI YA UTENDAJI KAMAIFUATAVYO;

GONGA HAPA ILI KUPATA ORODHA KAMILI (download here)

	JINA	NAFASI	VIKAO	VIKAO2
1	Dr. ALIFRED KAMUZORA	MWENYEKITI WA TAWI	MJUMBE KAMATI YA SIASA NA HALMASHAURI KUU YA TAWI
2	BONIFACE ASSENGA	KATIBU WA TAWI	MJUMBE KAMATI YA SIASA NA HALMASHAURI KUU YA TAWI	MWENYEKITI SEKRETARIET YA TAWI
3	KASSIM KOLOWA	KATIBU WA SIASA NA UENEZI	MJUMBE KAMATI YA SIASA NA HALMASHAURI KUU YA TAWI	MJUMBE SEKRETARIET YA TAWI
4	SALIMU MFUNGAHEMA	KATIBU WA SIASA NA UENEZI	MJUMBE KAMATI YA SIASA NA HALMASHAURI KUU YA TAWI	MJUMBE SEKRETARIET YA TAWI
5	CHRISPINE BAKUNDA	KATIBU WA UCHUMI NA FEDHA	MJUMBE KAMATI YA SIASA NA HALMASHAURI KUU YA TAWI	MJUMBE SEKRETARIET YA TAWI
6	HILDA KIFANGA	MSAIDIZI WA KATIBU WA UCHUMI NA FEEDHA	MJUMBE KAMATI YA SIASA NA HALMASHAURI KUU YA TAWI	MJUMBE SEKRETARIET YA TAWI
7	MBAROUK MAHMUD	MWENYEKITI UVCCM TAWI	MJUMBE KAMATI YA SIASA NA HALMASHAURI KUU YA TAWI
8	REHEMA SIMBA	MWENYEKITI UWT TAWI	MJUMBE KAMATI YA SIASA NA HALMASHAURI KUU YA TAWI
9	Dr. MOHAMED RAFIK BACHOO	MWENYEKITI WAZAZI TAWI	MJUMBE KAMATI YA SIASA NA HALMASHAURI KUU YA TAWI
10	ODILIA KASIGA	MJUMBE KAMATI YA SIASA TAWI	MJUMBE KAMATI YA SIASA NA HALMASHAURI KUU YA TAWI
11	ALI AMEIR HAJI	MJUMBE KAMATI YA SIASA TAWI	MJUMBE KAMATI YA SIASA NA HALMASHAURI KUU YA TAWI
12	MANDA IDD SHAABAN	MJUMBE KAMATI YA SIASA TAWI	MJUMBE KAMATI YA SIASA NA HALMASHAURI KUU YA TAWI
13	AZIZ CHUMA	MJUMBE KAMATI YA SIASA TAWI	MJUMBE KAMATI YA SIASA NA HALMASHAURI KUU YA TAWI
14	OCTAVIAN NYALALI	KATIBU UVCCM TAWI	MJUMBE HALMASHAURI KUU YA TAWI	MJUMBE SEKRETARIET YA TAWI
15	PROSCOVIA MWAMBI	KATIBU UWT TAWI	MJUMBE HALMASHAURI KUU YA TAWI	MJUMBE SEKRETARIET YA TAWI
16	MARIA SEMEN	KATIBU WA FEDHA UVCCM TAWI	MJUMBE HALMASHAURI KUU YA TAWI	MJUMBE SEKRETARIET YA TAWI
17	EZELINA MWAIFUNGA	KATIBU WA FEDHA UWT TAWI	MJUMBE HALMASHAURI KUU YA TAWI	MJUMBE SEKRETARIET YA TAWI
18	NASSORO KAPONTA	MJUMBE TOKA SHINA BL.6	MJUMBE HALMASHAURI KUU YA TAWI
19	PROSPER NYAMANDA	MJUMBE TOKA SHINA BL.9	MJUMBE HALMASHAURI KUU YA TAWI
20	OMARI KAPILIMA	MJUMBE TOKA SHINA BL.10	MJUMBE HALMASHAURI KUU YA TAWI
21		MJUMBE TOKA SHINA BL.1	MJUMBE HALMASHAURI KUU YA TAWI
22		MJUMBE TOKA SHINA BL.2	MJUMBE HALMASHAURI KUU YA TAWI
23		MJUMBE TOKA SHINA BL.5	MJUMBE HALMASHAURI KUU YA TAWI
24		MJUMBE TOKA SHINA BL.7	MJUMBE HALMASHAURI KUU YA TAWI
25		MJUMBE TOKA SHINA BL.8	MJUMBE HALMASHAURI KUU YA TAWI
26		MJUMBE TOKA SHINA BL.11	MJUMBE HALMASHAURI KUU YA TAWI

Mkutano wa kamati ya Siasa ya Tawi

2011-06-12T12:02:00.000-07:00

Mkutano wa kamati ya Siasa ya Tawi utafanyika tarehe 13/06/2011 cafe Simbad kuanzia saa tisa mchana. Tfadhali unaombwa kufika bila kukosa. Mada: uchaguzi wa viongozi wa CCM tawi na ule wa UVCCM tawi la MOSCOW.

MKUTANO WA HALMASHAURI KUU YA CCM PAMOJA NA BARAZA LA VIJANA UVCCM TAWI LA MOSCOW

2011-05-31T17:36:00.001-07:00

FOMU ZA KUGOMBEA UONGOZI BOFYA HAPA

MAJINA YA HALMASHAURI KUU NA BARAZA LA VIJANA BOFYA HAPA

TAFADHALI HUSIKANA MADA ILIYOTAJWA HAPO JUU,

CHAMA CHA MAPINDUZI TAWI LA MOSCOW LINAOMBA KUKUJULISHA KUWA KUTAFANYIKA MKUTANO WA HALMASHAURI KUU YA CCM PAMOJA NA BARAZA LA VIJANA UVCCM TAWI LA MOSCOW.

SIKU: JUMAPILI TAREHE 05/06/2011

MAHALI: UKUMBI WA BL.6

MUDA: KUANZIA SAA 17:00 JIONI

MADA: UCHAGUZI WA VIONGOZI WA JUU WA CCM PAMOJA NA UCHAGUZI WA VIONGOZI WA UVCCM.

UNAOMBWA KUHUDHURIA BILA KUKOSA NA KWA MUDA NA MAALI KAMA ILIVYOTAJWA HAPO JUU

KIDUMU CHAMA CHA MAPINDUZI

KATIBU WA TAWI

BI. NEEMA KENGESE

NB. ANGALIA KIAMBATANISHO (ATTACHED FILE) ILI KUPATA MAJINA YA HALMASHAURI KUU YA CCM NA BARAZA LA VIJANA UVCCM

TANGAZO;

FOMU ZA KUGOMBEA UONGOZI WA CCM NA ULE WA UVCCM ZINAPATIKANA KWA;

1) BI NEEMA KENGESE

2) BW. SALIM MFUNGAHEMA

2) BW. BONIFACE ASSENGA

3) BW. MBAROUK MAHMUD

PIA UNAWEZA KUIPATA FOMU HIYO KATIKA UKURASA WETU http://ccmmoscow.blogspot.com/ AU KATIKA UKURASAWETU WA FACEBOOK http://www.facebook.com/ccmmoscow

NAFASI ZINAZOWANIWA NI

1) MWENYEKITI WA CCM TAWI

2) KATIBU WA TAWI

3) KATIBU WA ITIKATI, SIASA NA UENEZI WA TAWI

4) KATIBU WA UCHUMI NA FEDHA WA TAWI

5) MWENYEKITI UVCCM

6) KATIBU UVCCM

7) KATIBU WA ITIKATI, SIASA NA UENEZI WA UVCCM

8) KATIBU WA UCHUMI NA FEDHA WA UVCCM

MWISHO WA KUCHUKUA NA KURUDISHA FOMU HIZO NI IJUMAA TAREHE 10 JUNE 2011

UWT TAwi la Moscow wafanya uchaguzi wao

2011-05-14T12:26:00.000-07:00

Umoja wa Wanawake wa Chama Cha Mapinduzi Tawi la Moscow leo tarehe 14/05/2011 umefanya uchaguzi wake na viongozi wake wapya kupatikana.

Mwenyekiti ni Bi Rehema O. Simba aliyepita bila mpinzani kwa ushindi wa asilimia 100
Katibu ni Bi. Proscovia Mwambi aliyepata ushindi wa asilimia 87.5
Katibu wa Fedha ni Bi Ezelina Mwaifunga aliyemshinda mpinzani wake na kupata asilimia 75

UCHAGUZI WA VIONGOZI WA CCM TAWI LA MOSCOW

2011-05-04T06:44:00.000-07:00

UCHAGUZITANGAZO
Chama cha Mapinduzi Tawi la Moscow kinapenda kuwafahamisha wanachama wake wote kuwa kutakuwa na uchaguzi wa viongozi wa tawi. Nafasi zitakazogombaniwa;
1. Mwenyekiti wa Tawi
2. Katibu wa Tawi
3. Katibu wa siasa na uenezi wa Tawi
4. Katibu wa uchumi na fedha wa Tawi
5. Mwenyekitti UVCCM
6. Mwenyekiti UWT (Umoja wa Wanawake)
7. Katibu UVCCM
8. Katibu UWT
9. Katibu wa Fedha UVCCM
10. Katibu wa Fedha UWT
11. Katibu wa siasa na uenezi UVCCM
Kwa mwanachama yeyote yule anayetaka kugombea nafasi za 1-4 zilizotajwa hapo juu, fomu zinapatikana kwa katibu wa tawi Neema Charles Kengese block 9 chumba namba 1404 A kuanzia saa nne asubuhi mpaka saa kumi na mbili jioni. Mwisho wa kurudisha fomu ni tarehe 20 May 2011. Uchaguzi utafanyika tarehe 28 May 2011, muda na mahali mtafahamishwa.
Kwa yeyote anayetaka kugombea nafasi yoyote UVCCM awasiliane na Katibu wa UVCCM Mahamoud O. Mbarouk email mosmbarouk@yahoo.com na UWT wasiliana na Katibu wa UWT Odilia Kasiga. Uchaguzi wa UVCCM na UWT ni lazima ufanyike kabla ya tarehe 15.05.2011. Kuanzia tarehe 16.05.2011 uteuzi kwa nafasi ambazo zitakuwa wazi utaanza rasmi. Wote mnaombwa kutoa ushirikiano wa dhati ili kufanikisha zoezi hili.

UTARATIBU WA KUGOMBEA KWA KIFUPI
• Mwanachama yeyote wa CCM anaweza kugombea nafasi yoyote ya CCM. Ili kugombea nafasi yoyote ya UVCCM ni lazima uwe na kadi ya UVCCM na UWT ni lazima uwe mwanachama wake. (Wakinadada wote wenye kadi ya CCM wanaruhusiwa kugombea au kupiga kura UWT) Wapigakura wa UWT wanaweza kupiga kura UVCCM
• Kupiga kura ni kwa kutumia kadi ya CCM na kwa wale wanaUVCCM ni kwa kutumia kadi zote mbili yaani kadi ya CCM na ya UVCCM
• Kwa wale watakaogombea nafasi yoyote UVCCM hawataweza kugombea nafasi yoyote UWT. Hivyo hivyo kwa wale watakaogombea nafasi yoyote UWT hawataweza kugombea nafasi yoyote UVCCM

KAMATI YA UCHAGUZI
1) Bi. Neema C. Kengese - Katibu na mkurugenzi mkuu wa uchaguzi
2) Bw. Salimu Mfungahema – Katibu wa siasa, itikadi na Uenezi na Mkurugenzi mkuu msaidizi wa uchaguzi
3) Bw. Boniface Assenga – Katibu wa uchumi na fedha na Uenezi na Mkurugenzi mkuu msaidizi wa uchaguzi

Kwa maelezo zaidi tembelea ccmmoscow.blogspot.com au facebook.com/ccmmoscow

Aksanteni sana
Tuendelee kupeperusha bendera ya CCM nje ya nchi.
KIDUMU CHAMA CHA MAPINDUZI,

Bi. Neema C. Kengese
Katibu na mkurugenzi mkuu wa uchaguzi
Tawi la CCM
Moscow - Russia

SALAAM ZA RAMBIRAMBI KUTOKA TAWI LA CCM MOSCOW-URUSI KWA WALIOPATWA NA MAAFA GONGOLAMBOTO JIJINI DAR-ES-SALAAM

2011-02-21T16:57:00.000-08:00

TAWI LA CCM MOSCOW-URUSI

SALAAM ZA RAMBIRAMBI KWA WALIOPATWA NA MAAFA GONGOLAMBOTO JIJINI DAR-ES-SALAAM

Uongozi na Jamii nzima ya Tawi la CCM Moscow na vitongoji vyake nchini Urusi kwa masikitiko makubwa umepokea taarifa ya maafa yaliyotokea sehemu za Gongolamboto jijini Dar-Es-Salaam, baada ya milipuko mikali ya silaha za kijeshi katika Ghala la kuhifadhia silaha hizo. Tukio hilo ilimechukua maisha ya watanzania wenzetu katika hali isiyotemewa. Msiba huu ni wa Watanzania wote bila kujali itikadi dini au vyama vya siasa. Huu ni msiba wa Taifa zima, hivyo tunaungana na Watanzania wote popote walipo kuwafariji wote waliopoteza jamaa, ndugu na marafiki zao na tupo nao katika msiba huu mzito na tunaungana nao kuwaombea marehemu Mwenyezi Mungu aziweke roho za walipoteza maisha yao mahali pema peponi Amin.

Kwa wale waliopo hospitalini tunawaombea wapone haraka na warejee na afya njema, tunaamini kabisa Mwenyezi Mungu atawajalia afya njema, na tunaamini kuwa serikali itaendelea kuchukua hatua za haraka kabisa iwezekanavyo kuakikisha huduma za muhimu zinapatikana kwa wote waliopatwa na maafa hayo.

Vile vile kwa kuamini juhudi za uongozi wa serikali yetu tunaamini itachukua hatua madhubuti katika kutafuta chanzo cha maafa yaliyotokea na kutoa mwongozo madhubuti katika utaratibu wa kuifadhi zana hizi muhimu za kijeshi, ili tukio kama ili lisitokee tena. Pamoja na hayo uchunguzi wa kina ufanyike kama ikionekana kuna uzembe ambao uliweza kusabisha maafa haya basi wahusika wachukuliwe hatua na wawajibishwe.

Hivyo watanzania wote tuungane kuwaombea wote waliopoteza maisha Mwenyezi Mungu awalaze roho zao mahali pema peponi. Amin

Mwenyekiti Tawi

Dr. Alfred Kamuzora

Tawi la CCM Moscow Lafanya Sherehe Kumpongeza JK

2010-11-27T21:14:00.001-08:00

Na Mwandishi wetu Happy

Katika hali iliyoonekana kuwavutia watanzania wengi waishio nchini Urusi, Tawi la CCM Moscow limefanya sherehe ya kumpongeza Mwenyekiti wa CCM na Raisiwa Jamhuri ya Muungano wa Tanzania Mh. Dk. Jakaya Mrisho Kikwete kwa ushindi mkubwa alioupata katika uchaguzi uliofanyika hivi karibuni. Sherehe hiyo iliyoanza majira ya saa kumi na moja jioni ya tarehe 27/11 na kumalizika majira ya saa kumi na mbili na nusu asubuhi ya tarehe 28/11 iliwavutia sii tuu watanzania waishio nchini Urusi na Maeneo ya jirani, bali pia natu wengine wasio watanzania.

Miongoni mwa wageni muhimu waalikwa na Capt. Mstaafu Jaka Mwambi ambaye pia aliwahi kushika nafasi mbalimbali za uongozi Tanzania ikiwemo ukatibu mkuu msaidizi wa CCM Taifa. Mh. Mwambi katika htuba yake kwa wapenzi, wanachama na wakereketwa wa CCM waliohudhuria amesisitiza kuwa vijana sio tuu taifa la kesho, ila pia ni Taifa la Leo na la Keshokutwa. Mh. Mwambi amesema kuwa vijana wasifikirie kuwa kujiunga na chama ni kujinufaisha kifedha, bali ni kukomaa kimawazo na kisiasa na lengo kubwa ni baadae kuwatumikia wananchi na sio wananchi kuwatumikia.

Mwenyekiti wa Tawi la CCM Urusi Dk. Alifred Kamuzora katika hotuba yake alihoji kuwa katika uchaguzi wa hivi karibuni, ambapo wapinzani wanadai matokeo yalichakachuliwa, isije kuwa wenyewe wanaotoa madai hayo ndio waliojichakachua wenyewe. Akisisitiza jambo, Dk. Kamuzora alisema Matokeo ya Uchaguzi kuanzia ya uraisi hadi wabunge na madiwani yalikuwa sio ya ubabaishaji na uchaguzi ulikuwa huru na, salama na Haki, hata taarifa ya waangalizi wa Umoja wa Ulaya, Umoja wa Africana SADC walithibitisha hilo. Aither Dr. Kamuzora alisisitiza kuwa katika kipindi cha mwanzo cha uongozi wa Raisi Kiwete CCM imefanikiwa kwa kiasi kikubwa kutimiza ilani yake ya uchaguzi. Katika kauli mbiu ya CCM ya Maisha Bora kwa kila Mtanzania, CCM imeweza kuboresha huduma za hospitali, kuongeza shule za msingi, shule za sekondari kwa kila Kata na hata vyuo vikuu nchini vimeongezeka kutokana na sera na Ilani ya CCM. Mengine ni uboreshaji wa mahakama huru, ambapo watanzania wameshuhudia hata watu waliowahi kushika nyadhifa mbalimbali serikalini wakisimama kizimbani, uboreshwaji wa chombo imara cha dola, jeshi la Polisi, Jeshi la Wananchi, na Jeshi la kujenga Taifa.

Aidha, CCM imeweza kuboresha elimu, maji, umeme, barabara nk. hayo ndio maisha bora yanayozungumzwa.

Kutoka Kushoto ni Katibu wa Uchumi, Mipango na Fedah wa Tawi Ndg. Boniface Assenga anayefuatia ni Mwenyekiti wa Tawi Dk. Alfred Kamuzora akifuatiwa na Katibu Mkuu wa TAwi Bi. Neema Kengese na anayefuatia ni Ndg. Salim Mfungahema Katibu wa Siana, Sera na Uenezi wa Tawi

MNUSO MOSCOW...

2010-11-23T15:06:00.000-08:00

KATIBU WA TAWI LA CCM MOSCOW ANAPENDA KUKUALIKA WEWE NA FAMILIA YAKO KATIKA SHEREHE KUBWA YA KUMPONGEZA MWENYEKITI WA CCM NA RAISI WA JAMHURI YA MUUNGANO WA TANZANIA MH. DK. JAKAYA MRISHO KIKWETE KWA USHINDI MKUBWA ALIOUPATA KATIKA UCHAGUZI ULIOFANYIKA MWISHONI MWA NOVEMBA MWAKA HUU.

SHEREHE HIYO ITAFANYIKA SIKU YA JUMAMOSI TAREHE 27/11/2010 KUANZIA SAA 17:00 HADI MAJOGOO.

MAHALI: 33 PYATNITSKAYA ULITSA, 119017, MOSCOW RUSSIA

WOTE MNAKARIBISHWA

GOD BLESS CCM, GOD BLESS TANZANIA

Mnuso Moscow Kumpongeza Mh. Jakaya Kikwete, Raisi wa Jamhuri ya Muungano wa Tanzania

2010-11-20T00:28:00.001-08:00

Wanachama wote wa CCM Tawi la Moscow Mnaarifiwa kuwa ule mnuso uliotakiwa ufanyike hii leo jumamosi tarehe 20/11/2010 umeahirishwa hadi wiki ijayo tarehe 27/11/2010 kutokana na sababu mbazo hazikuweza kuzuilika. mnaombwa radhi kwa usumbufu wowote...

BARUA YA PONGEZI KWA RAISI MTEULE WA JAMHURI YA MUUNGAN WA TANZANIA TOKA TAWI LA CCM MOSCOW

2010-11-09T14:18:00.001-08:00

YAH: PONGEZI KWA RAIS MTEULE DR. JAKAYA MRISHO KIKWETE
Mh. Rais Dr. Jakaya Mrisho Kikwete, uongozi wa Tawi la CCM Moscow pamoja na wanachama wake wote unapenda kuchukua nafasi hii ya pekee, kwa heshima na taadhima kukupongeza wewe ukiwa Raisi mteule na mwenyekiti wa Chama tawala cha CCM kwa kuchaguliwa kwa mara nyingine tena kuliongoza taifa letu la jamuhuri ya muungano wa Tanzania.
Ushindi mkubwa ulioupata unadhihirisha kazi nzuri uliyoifanya katika kipindi kigumu cha miaka mitano, ni dhairi kwamba kauli mbiu ya chama imetekelezwa kwa kiasi kikubwa, hii imeongeza imani kwa watanzania. Ni kwa sababu ya sifa na uwezo ulionao uliweza kwa kipindi chote cha awamu ya kwanza ya uongozi wako ukiwa madarakani umeweza kuliwakilisha taifa letu kikamilifu katika nchi za nje hii imezidi kuliletea Taifa letu na watu wake sifa ya pekee.
Mh. Rais, naomba nikupongeze kwa kazi ngumu na ya muhumu uliyoifanya ya kulinda na kutetea hitoria ya amani ya nchi yetu, hii imetotana na uwezo wa upeo wako mkubwa ambao umeweza kukiongoza chama ukiwa kama Mwenyekiti wa chama Tawala na Rais wa Jamuhuri ya Muungano wa Tanzania kudumisha muungano kwa kuondoa machafuko ya kisiasa nchini, kama si uwezo wako na viongozi wa ngazi za juu wa Chama na Serikali uliokuwa nao sambamba katika kutafuta ufumbuzi wa tatizo hilo zito, nchi yetu ambayo ni kinara cha amani katika bara zima la Afrika ingepoteza sifa hiyo ya kihistori katika bara letu la Afrika.
Mh. Rais Dr. Jakaya Mrisho Kikweta kupitia kwako Tawi la Moscow lingependa kuchukua nafasi hii kuupongeza uongozi mzima wa CCM Taifa ambao bila shaka ulishilikiana katika mchakato mzima wa kampeni za uchaguzi kwa kutangaza kauli mbiu ya Chama Cha Mapinduzina na utekelezaji wake, hii imechangia kuleta ushindi mkubwa kwa Chama chetu cha CCM. Ni kweli kabisa katika ushindani wa aina yoyote lazima apatikane mshindi na mwingine ushindwa hii ni kanuni ya ushindani hivyo ndivyo ilivyo, na kwa kanuni hiyo hiyo CCM ilishinda kwa kura nyingi. Kwa mara nyingine tena tunakupongeza.
Mh. Raisi Dr. Jakaya Mrisho Kikwete, baada ya kazi nzuri yenye matunda uliyoifanya katika kipidi cha awamu ya kwanza ya uongozi wako tunakutakia afya njema katika kuliongoza Taifa letu kipindi cha pili cha uongozi wako wa miaka mitano ijayo. Tunaomba Mwenyezi Mungu akuongoze na akusaidie kulinda na kutetea dhamana kubwa uliyo kabidhiwa na wananchi wa Jamuhuri ya Muungano wa Tanzania.

KIDUMU CHAMA CHA MAPINDUZI

Mwenyekiti wa CCM
Tawi la Moscow Dr. Alifred Kamuzora

MATOKEOA YA URAIS: KIKWETE JAKAYA MRISHO/CCM ATANGAZWA MSHINDI KWA ASILIMIA 61.17

2010-11-05T08:32:00.000-07:00

1. KUGA PETER MZIRAY APPT - MAENDELEO: 96, 933 (1.12%)

2. KIKWETE JAKAYA MRISHO/CCM: 5,276,827 (61.17%)

3. SLAA WILLIBROD PETER/CHADEMA: 2,271,941 (26.34%)

4. LIPUMBA IBRAHIM HARUNA/CUF: 695,667 (8.067%)

5. RUNGWE HASHIM SPUNDA/NCCR-MAGEUZI: 26,388 (0.31%)

6. MGAYWA MUTTAMWEGA BHATT/TLP:17,482 (0.20%)
7. DOVUTWA YAHMI NASSORO DOVUTWA/UPDP: 13,176 (0.15%)
----------------------------------------
WALIOJIANDIKISHA KUPIGA KURA: 20, 137, 303
WALIOJITOKEZA KUPIGA KURA: 8, 626 (42.64%)
KULA HALALI ZILIZOPIGWA: 8,398,394
KURA ZILIZOHARIBIKA 227,889 (2.64)

TAWI LA CCM LA MOSCOW URUSI LINAMPONG€ZA MH. DK. KIKWETE JAKAYA MRISHO KWA USHINDI HUU WA KISHINDO. MUNGU IBARIKI TANZANIA, MUNGU IBARIKI CCM

VIDEO WAKATI WA KUMTANGAZA DK. ALI MOHAMED SHEIN

2010-11-01T13:03:00.000-07:00

DK. ALI MOHAMED SHEIN ASHINDA UCHAGUZI ZANZIBAR. CUF WAKUBALI MATOKEO

2010-11-01T12:59:00.000-07:00

Mwenyekiti wa Tume ya Uchaguzi Zanzibar Bw. Khatib Mwinyichande akitangaza matokeo ya urais Zanzibar katika hoteli ya Bwawani mjini Unguja usiku huu
Rais mteule wa Zanzibar Dk. Ali Mohamed Shein akitoa
shukrani baada ya kutangazwa mshindi

Mgombea urais wa Chama cha Wananchi CUF
Maalim Seif Shariff Hamad akikubali matokeo

CHAMA CHA MAPINDUZI TAWI LA MOSCOW KINAPENDA KUMPONGEZA RAIS MTEULE WA AWAMU YA SABA DR. ALI MOHAMED SHEIN KWA USHINDI HUU MUHIMU.

MATOKEO YA AWALI YA RAISI NA WABUNGE. CCM YAPETA

2010-11-01T12:36:00.000-07:00

Waziri wa Elimu Tanzania Visiwani Haroun Ali Suleiman, naibu Waziri wa Elimu Mh. Gaudensia Mugosi Kabaka watua Moscow

2010-09-29T06:25:00.000-07:00

Moscow-Russia 29.09.2010 22:46.47

Na Mwandishi wetu

Waziri wa Elimu Tanzania Visiwani Mh. Haroun Ali Suleiman, naibu Waziri wa Elimu Mh. Gaudensia Mugosi Kabaka wapo mjini Moscow - Urusi kuhudhuria mkutano wa Kimataifa. Pamoja na Watumishi wengine waandamizi wa serikali ya Tanzania, Waziri Suleiman ameongozana pia na Makatibu wakuu na Manaibu Makatibu Wakuu wa Wizara mbalimbali akiwemo Katibu Mkuu wizara ya Kazi, Ajira na Maendeleo ya Vijana.

Mara baada ya kujumuika na wenyeji wao kwa chakula cha Jioni Katika Ubalozi wa Tanzania uliopo hapa Moscow, Waziri Suleiman alisema kuwa Zanzibar kwa sasa ni tulivu na utulivu huu ambao haujawahi kutokea hasa katika kipindi cha uchaguzi kama hizi, unatokana na Juhudi za Rais Karume na jitihada za mpinzani wake Maalim Seif kusaini makubaliano ya kudumisha utulivu na kufikia muafaka kwa kuunda serikali ya mseto visiwani humo. Akitoa wito kwa wanafunzi wanaosoma nje ya nchi, waziri Suleiman ameshauri vijana kurudi nyumbani mara moja baada ya kuitimu masomo yao na kuwatoa wasiwasi wahitimu kuwa ajira ni nyingi sana na zimekosa wataalam. Akizungumzia kuhusu habari zake mwenye za kisiasa, ikikumbukwa kuwa Waziri Suleiman i mmoja wa waliojitokeza kuwania kiti cha uraisi visiwani Zanziba alisema kuwa Dr. Shein Aliponea chupuchupu kwa kuwa yeye alikuwa moto wa kuotea mbali na mwiba mkubwa katika king'ang'anyiro hicho. Waziri Suleiman hakusita kumwaga sifa zake kwa Balozi wa Tanzania Hapa Moscow Mh. Jaka Mwambi kwa mapokezi mazuri na kwa chakula safi cha jioni

Naye Balozi wa Tanzania Mh. Jaka Mwambi akiwa ndiye mwenyeji wa Msafara huo alipopata wasaa wa kupokea shukrani lukuki toka kwa ujumbe huo, aliiasa serikali ya Tanzania hasa wizara Mbalimbali kuutumia ubalozi wao wa Tanzania uliopo hapa Moscow kwa Ukaribu zaidi. Pia Mh. Balozi hakusita kueleza malalamiko ya wanafunzi wanaosoma nchini Urusi kwa namna ya kipekee kwa Mh. Naibu Waziri wa Elimu na Mafunzo ya Ufundi Stadi, Mh. Gaudensia Kabaka kuwa maisha ya hapa Moscow yamekweda juu kabisa kuliko mji mwingine wowote hapa duniani baada ya ule wa Japani - Tokyo

Naye Naibu Waziri wa Elimu na Mafunzo ya Ufundi Stadi Mh. Gaudensia Kabaka (anayefahamika hapa Moscow Mama Kabaka) aliahidi kufikisha malalamiko yote ya wanafunzi kwenye dawati husika na kuahidi kuwa wanafunzi sasa wakae mkao wa kula. Akizungumza na The THOMCOM, Mama kabaka alisema kuwa yeye Kama Mama, hapendi kuona wanafunzi wanalala nje kwenye baridi wakidai jambo la msingi ambalo linawezekana kabisa kutatuliwa.

Mama Kabaka ambaye ni Kipenzi cha wanafunzi wengi hasa wanaosoma Moscow na nje ya nchi aliahidi kuhakikisha masuala yote yanayohusu wanafunzi na hasa posho zao yanaangaliwa tena ili kuhakikisha kuwa wanapata posho inayoendana na hali halisi ya mahali husika. Ikumbukwe kuwa Mh. Naibu Waziri Gaudensia Kabaka alishawahi kufika Moscow mwaka 2007 na kukutana na Wanafunzi wa kitanzania hapa Urusi na kuahidi ongezeko la posho na ahadi hiyo ikatekelezwa mwaka uliofuata kwa ongezeko la zaidi ya asilimia 68 na mwaka uliofuata ongezeko likafikia karibu asilimia 62.

Picha

Kikwete: Vyama vya upinzani ni 'fotokopi'

2010-09-25T14:31:00.000-07:00

Jakaya Mrisho Kikwete

Ibrahim Bakari, Tarime na
Anthony Mayunga, Serengeti
MGOMBEA urais kwa tiketi ya kupitia CCM, Jakaya Kikwete jana alivinanga vyama vinavyoshindana kuwania kushika madaraka, akivifananisha na nakala za hati halisi (photocopy) na kuwataka wananchi kuviepuka.
Kikwete pia aliwatahadharisha wananchi wa mkoa huo, ambao hukumbwa na vita vya mara kwa mara vya koo, kuachana na chuki za kikabila akisema zinahatarisha amani ya nchi.

Akihutubia maelfu ya mashabiki na wapenzi wa CCM jana waliofurika kumsikiliza katika Uwanja wa Sabasaba mjini Tarime, Kikwete alisema chama chake kinastahili kupigiwa kura kwa vile kimedumisha amani na utulivu nchini.
"Msihangaike na vyama vya upizani ambavyo ni sawa na 'photo copy' wakati CCM ipo kuwaletea aendeleo," alisema Kikwete akirejea kauli yake aliyoitoa Agosti 20 wakati akizindua kampeni za CCM kwenye viwanja vya Jangwani jijini Dar es salaam.
Kuhusu vurugu zinazosababishwa na ukabila, Kikwete alisema suala hilo linachangia kuvunjika kwa amani miongoni mwa wana jamii.
"Angalieni kwa wenzenu hapo jirani, maana nyie mpo jirani zaidi mkivuka mpaka mnaingia kwa wenzenu. Wameumizana sana kutokana na ukabila," alisema akimaanisha nchi jirani ya Kenya ambayo ilikumbwa na mapigano mwaka 2007 baada ya kutangazwa kwa matokeo ya urais.

Alisema CCM ni chama kinachotekeleza sera zake, kudumisha amani na kuondoa udini na ukabila.
Hii ni mara ya kwanza kwa CCM kufanya mikutano yake mjini hapa ambako chama shindani cha Chadema kinashikilia jimbo hilo baada ya kushinda uchaguzi wa mwaka 2005 na uchaguzi mdogo wa mwaka 2008.
Shamrashamra zilianza majira ya saa 6:00 mchana kwa wakereketwa kukusanyika kwenye uwanja huo huku ikielezwa kuwa ni mara ya kwanza kwa chama hicho kukusanya watu wengi kiasi hicho.

Uchunguzi wa Mwananchi umebaini kuwa wakazi wa maeneo jirani na uwanja huo walikodishiwa magari na CCM kuhakikisha kila mkereketwa wa chama hicho anahudhuria mkutano huo wa kampeni.
Mbali na hayo kikundi cha sanaa cha Tot Plus na wasanii wa kizazi kipya kwa pamoja walikuwa wakitoa burudani kwa pamoja kwa mashabiki hao wa CCM wanaokadiriwa kuwa zaidi ya 10,000.

Huku akishangiliwa na umati uliohudhuria mkutano huo, Kikwete alisema serikali itapambana kikamilifu na wezi wa mifugo na haitachoka, na zaidi wataliwezesha zaidi Jeshi la Polisi mkoani humo kupambana na wahalifu hao.
Alisema sekta ya elimu imeimarishwa kwa kuwa awali kulikuwa na shule 10, lakini sasa kuna shule 28 na kuongeza idadi ya wanafunzi wanaofaulu kutoka 4,925 hadi 18,250. JK aliahidi kuwa serikali itaboresha upatikanaji wa walimu bora zaidi, madarasa ya kisasa, maabara za kisasa na nyumba za walimu.
Kikwete, ambaye hotuba yake ilikuwa ikikatishwa mara kwa mara kwa kushangiliwa, aliwataka wakazi wa Tarime kujiepusha na ugonjwa hatari wa Ukimwi kutokana na takwimu zinazoonyesha kuna asilimia kubw aya maambukizi ya Ukimwi mkoani humo.
Kikwete alirejea kauli yake ambayo amekuwa akiitoa mara kwa mara kwa wanafunzi wanaopata mimba akiwaambia wakazi wa mkoa huo kuwa wanaoambukizwa Ukimwi wanaupata kwa ajili ya tamaa na viherehere vyao.

Alisema serikali yake pia inapambana na malaria kuhakikisha ugonjwa huo unatokomezwa.
Kuhusu huduma za maji, Kikwete alisema serikali ya CCM imejitahidi kuboresha sekta ya maji na tayari wamepata fedha kutoka Benki ya Dunia kwa ajili ya kuimarisha miradi ya maji na kwamba ndani ya miaka mitatu kila mkazi wa mkoa wa Mara atakuwa akitumia maji ya bomba.
Kikwete, ambaye pia ni mwenyekiti wa CCM, pia aliahidi kuboresha sekta ya kilimo kwa kuzalisha wataalam bora na kuweka ruzuku kwenye mazao kama kahawa.

Kikwete alitokea Shirati, Rorya na Serengeti ambako katika mikutano yake alisema chama chake kimeimarisha huduma za afya, kilimo na miundombinu kwa mkoa wa Mara na hata katika majimbo yanayoongozwa na wapinzani.
Akiwa wilayani Sengereti, Kikwete alikiri wazi kuwa ahadi ya CCM kujenga chuo cha ufundi stadi cha Veta wilayani humo haikutekelezwa, lakini akaahidi kuwa chama hicho kinajipanga kutekeleza ahadi hiyo katika kipindi cha miaka mitano ijayo.
Akihutubia mkutano wa kampeni kwenye Uwanja wa Mbuzi mjini Serengeti, Kikwete alisema kuwa waliyoahidi wametekeleza na ahadi nyingine zilizobaki watazitekeleza.

Mkutano huo ulipangwa kuanza saa 4, asubuhi, lakini hata hivyo ukafanyika saa 8.30 mchana huku ikidaiwa kuwa kuchelewa kuanza kulitokana na Kikwete kuendelea na mikutano ya kampeni wilayani Ngorongoro.

“Hapa sana sana ni Veta ambayo tuliahidi, lakini hatukuitekeleza. Sasa tutajenga katika miaka mitano ijayo, tutaweka umeme. Vijiji 13 vya jirani vitapata maji kwa kuwa Sh428 milioni zimetengwa kwa ajili hiyo. Kuhusu elimu tunategemea mwaka kesho (2011), kila mtoto awe na kitabu chake,” alisema Kikwete bila kufafanua sababu za kutojengwa kwa Veta.
Kuhusu ujenzi wa barabara ya lami ndani ya hifadhi ya Serengeti, mgombea huyo wa CCM alikiri kuwa siku moja baada ya kutangaza ujenzi wake Julai mwaka huu alipokuwa wilayani Serengeti, lakini siku iliyofuata dunia ilichamamaa kumpinga ikidai kuwa mpango huo unalenga kuua hifadhi ya Serengeti.

“Jamani wanamazingira walichachamaa sana, nasi tunazingatia hatutajenga barabara ya lami ndani ya hifadhi ya Serengeti, lakini tutajenga barabara ya lami nje ya hifadhi kwa wakazi wa Mugumu. Hiyo ni haki yake,” alisema.
Alisema tayari wameanza usanifu wa barabara hiyo na baada ya hapo watashughulikia tathimini ya kimazingira ili kuona madhara yake kwa ajili ya kuanza ujenzi.

Kuhusu uwanja wa ndege, Kikwete alisema utajengwa Serengeti ili wageni waweze kutua.
"Tuliahidi na tutajenga uwanja wa ndege ili wageni waweze kutua hapa,” alisema Kikwete bila kufafanua ujenzi huo utaanza lini.

Kikwete aliyeonyesha uchovu katika mkutano huo alishuka ghafla jukwaani na kuondoka baada ya kuwatambulisha wagombea ubunge, akiwaacha wananchi wakimsubiri.
Tukio lililotokea baada ya kupokea wanachama wapya 162 waliotajwa na katibu wa CCM wa mkoa, Ndegaso Ndekubali kuwa wametoka CUF, Chadema na NCCR-Mageuzi.

Mmoja wa waliojiunga na CCM jana ni Godfrey Paul aliyetambulishwa kuwa ni katibu wa Chadema wa Kata ya Magange aliyesema amerudi kwa baba na mama yake.

Hata hivyo, kuteremka ghafla jukwaani kwa Kikwete kulimaliza mkutano huo bila kufungwa rasmi huku wananchi wakibaki na maswali juu ya mustakabali wa mkutano huo uliofunguliwa na mwenyekiti wa CCM wilaya.
Marwa Mwita, mkazi wa Mugumu, alisema bado anajiuliza ilikuwaje mgombea huyo akaondoka bila ya kuaga.
"Hilo ni jambo la kujiuliza, lakini huenda amechoka na anasahau alitakiwa kufanya nini. Kwanza amechelewa kufika, hakuomba radhi, kahutubia mambo yale yale ya kila mwaka.

Julai mwaka huu wakati mgombea huyo alipozindua Bwawa la Manchira alizungumzia ujenzi wa barabara ya Serengeti na uwanja wa ndege, ahadi alizozirudia jana.

SEKRETARIET YA CCM TAWI LA MOSCOW

2010-07-09T09:18:00.000-07:00

	JINA	NAFASI	VIKAO2
2	BONIFACE ASSENGA	KATIBU WA TAWI	MWENYEKITI SEKRETARIET YA TAWI
3	KASSIM KOLOWA	KATIBU WA SIASA NA UENEZI	MJUMBE SEKRETARIET YA TAWI
4	SALIMU MFUNGAHEMA	KATIBU WA SIASA NA UENEZI	MJUMBE SEKRETARIET YA TAWI
5	CHRISPINE BAKUNDA	KATIBU WA UCHUMI NA FEDHA	MJUMBE SEKRETARIET YA TAWI
6	HILDA KIFANGA	MSAIDIZI WA KATIBU WA UCHUMI NA FEEDHA	MJUMBE SEKRETARIET YA TAWI
14	OCTAVIAN NYALALI	KATIBU UVCCM TAWI	MJUMBE SEKRETARIET YA TAWI
15	PROSCOVIA MWAMBI	KATIBU UWT TAWI	MJUMBE SEKRETARIET YA TAWI
16	MARIA SEMEN	KATIBU WA FEDHA UVCCM TAWI	MJUMBE SEKRETARIET YA TAWI
17	EZELINA MWAIFUNGA	KATIBU WA FEDHA UWT TAWI	MJUMBE SEKRETARIET YA TAWI

KAMATI YA SIASA YA TAWI LA CCM MOSCOW

2010-07-09T09:14:00.000-07:00

	JINA	NAFASI	VIKAO
1	Dr. ALIFRED KAMUZORA	MWENYEKITI WA TAWI	MJUMBE KAMATI YA SIASA
2	BONIFACE ASSENGA	KATIBU WA TAWI	MJUMBE KAMATI YA SIASA
3	KASSIM KOLOWA	KATIBU WA SIASA NA UENEZI	MJUMBE KAMATI YA SIASA
4	SALIMU MFUNGAHEMA	KATIBU WA SIASA NA UENEZI	MJUMBE KAMATI YA SIASA
5	CHRISPINE BAKUNDA	KATIBU WA UCHUMI NA FEDHA	MJUMBE KAMATI YA SIASA
6	HILDA KIFANGA	MSAIDIZI WA KATIBU WA UCHUMI NA FEEDHA	MJUMBE KAMATI YA SIASA
7	MBAROUK MAHMUD	MWENYEKITI UVCCM TAWI	MJUMBE KAMATI YA SIASA
8	REHEMA SIMBA	MWENYEKITI UWT TAWI	MJUMBE KAMATI YA SIASA
9	Dr. MOHAMED RAFIK BACHOO	MWENYEKITI WAZAZI TAWI	MJUMBE KAMATI YA SIASA
10	ODILIA KASIGA	MJUMBE KAMATI YA SIASA TAWI	MJUMBE KAMATI YA SIASA
11	ALI AMEIR HAJI	MJUMBE KAMATI YA SIASA TAWI	MJUMBE KAMATI YA SIASA
12	MANDA IDD SHAABAN	MJUMBE KAMATI YA SIASA TAWI	MJUMBE KAMATI YA SIASA
13	AZIZ CHUMA	MJUMBE KAMATI YA SIASA TAWI	MJUMBE KAMATI YA SIASA

HALMASHAURI KUU YA TAWI LA CCM MOSCOW

2010-07-09T09:12:00.000-07:00

	JINA	NAFASI		VIKAO
1	Dr. ALIFRED KAMUZORA	MWENYEKITI WA TAWI	MJUMBE KAMATI YA SIASA NA HALMASHAURI KUU YA TAWI
2	BONIFACE ASSENGA	KATIBU WA TAWI	MJUMBE KAMATI YA SIASA NA HALMASHAURI KUU YA TAWI
3	KASSIM KOLOWA	KATIBU WA SIASA NA UENEZI	MJUMBE KAMATI YA SIASA NA HALMASHAURI KUU YA TAWI
4	SALIMU MFUNGAHEMA	KATIBU WA SIASA NA UENEZI	MJUMBE KAMATI YA SIASA NA HALMASHAURI KUU YA TAWI
5	CHRISPINE BAKUNDA	KATIBU WA UCHUMI NA FEDHA	MJUMBE KAMATI YA SIASA NA HALMASHAURI KUU YA TAWI
6	HILDA KIFANGA	MSAIDIZI WA KATIBU WA UCHUMI NA FEEDHA	MJUMBE KAMATI YA SIASA NA HALMASHAURI KUU YA TAWI
7	MBAROUK MAHMUD	MWENYEKITI UVCCM TAWI	MJUMBE KAMATI YA SIASA NA HALMASHAURI KUU YA TAWI
8	REHEMA SIMBA	MWENYEKITI UWT TAWI	MJUMBE KAMATI YA SIASA NA HALMASHAURI KUU YA TAWI
9	Dr. MOHAMED RAFIK BACHOO	MWENYEKITI WAZAZI TAWI	MJUMBE KAMATI YA SIASA NA HALMASHAURI KUU YA TAWI
10	ODILIA KASIGA	MJUMBE KAMATI YA SIASA TAWI	MJUMBE KAMATI YA SIASA NA HALMASHAURI KUU YA TAWI
11	ALI AMEIR HAJI	MJUMBE KAMATI YA SIASA TAWI	MJUMBE KAMATI YA SIASA NA HALMASHAURI KUU YA TAWI
12	MANDA IDD SHAABAN	MJUMBE KAMATI YA SIASA TAWI	MJUMBE KAMATI YA SIASA NA HALMASHAURI KUU YA TAWI
13	AZIZ CHUMA	MJUMBE KAMATI YA SIASA TAWI	MJUMBE KAMATI YA SIASA NA HALMASHAURI KUU YA TAWI
14	OCTAVIAN NYALALI	KATIBU UVCCM TAWI	MJUMBE HALMASHAURI KUU YA TAWI
15	PROSCOVIA MWAMBI	KATIBU UWT TAWI	MJUMBE HALMASHAURI KUU YA TAWI
16	MARIA SEMEN	KATIBU WA FEDHA UVCCM TAWI	MJUMBE HALMASHAURI KUU YA TAWI
17	EZELINA MWAIFUNGA	KATIBU WA FEDHA UWT TAWI	MJUMBE HALMASHAURI KUU YA TAWI
18	NASSORO KAPONTA	MJUMBE TOKA SHINA BL.6	MJUMBE HALMASHAURI KUU YA TAWI
19	PROSPER NYAMANDA	MJUMBE TOKA SHINA BL.9	MJUMBE HALMASHAURI KUU YA TAWI
20	OMARI KAPILIMA	MJUMBE TOKA SHINA BL.10	MJUMBE HALMASHAURI KUU YA TAWI
21		MJUMBE TOKA SHINA BL.1	MJUMBE HALMASHAURI KUU YA TAWI
22		MJUMBE TOKA SHINA BL.2	MJUMBE HALMASHAURI KUU YA TAWI
23		MJUMBE TOKA SHINA BL.5	MJUMBE HALMASHAURI KUU YA TAWI
24		MJUMBE TOKA SHINA BL.7	MJUMBE HALMASHAURI KUU YA TAWI
25		MJUMBE TOKA SHINA BL.8	MJUMBE HALMASHAURI KUU YA TAWI
26		MJUMBE TOKA SHINA BL.11	MJUMBE HALMASHAURI KUU YA TAWI

SHEREHE ZA UVCCM TAWI LA MOSCOW MAY 2010. VIJANA WAKITUNUKIWA KADI ZA UVCCM PAMOJA NA VYETI VYA HESHIMA KATIKA PICHA

2010-06-04T07:17:00.000-07:00

Kutoka Kulia ni Mwenyekiti wa UVCCM Tawi la Urusi Bw, Chrispine Bakunda akifuatiwa na Mwenyekiti wa CCM Tawi la Urusi Dr. Alifred Kamuzora, anayefuata ni Katibu wa CCM wa Tawi la Urusi Bi. Neema Kengese na wa kushoto ni Katibu Mwamasishaji wa UVCCM wa Tawi la Urusi

Wageni mbalimbali waalikwa