KUMBUKUMBU YA MIAKA 14 YA KIFO CHA BABA WA TAIFA HAYATI MWL. JULIUS KAMBARAGE NYERERE

CHAMA CHA MAPINDUZI TAWI LA MOSCOW – URUSI, KINAUNGANA NA WATANZANIA WOTE POPOTE WALIPO KUADHIMISHA MIAKA 14 TANGU TULIPOONDOKEWA NA BABA WA TAIFA , MWALIMU JULIUS KAMBARAGE NYERERE TAREHE 14 OKTOBA 1999.

DAIMA TUTAENDELEA KUMKUMBUKA MWALIMU AMBAYE ALIKUWA MFANO BORA KWETU KAMA KIONGOZI HODARI NA MCHAPA KAZI, ALIYEPIGANIA UHURU WA MWAFRIKA, ALIYEPIGANIA HAKI SAWA KWA WOTE NA KUCHUKIA UKANDAMIZAJI WA MASKINI WANYONGE, KIONGOZI AMBAYE ALIICHUKIA SANA KUIPIGA VITA RUSHWA, KIONGOZI AMBAYE ALIJITOLEA KUPIGA VITA UJINGA, MARADHI, NA UMASKINI KATIKA NCHI YETU.

WATANZANIA NA WAAFRIKA TUTAENDELEA KUMKUMBUKA MWALIMU KWA NAMNA ALIVYOSHIRIKIANA NA VIONGOZI WENZAKE BARANI AFRIKA KATIKA MAPAMBANO DHIDI YA UKOLONI NA HASA UKOMBOZI WA NCHI ZA KUSINI MWA AFRIKA, KATIKA JITIHADA ZA KUWAUNGANISHA WAAFRIKA ILI WAWE NA NGUVU YA PAMOJA DHIDI YA WANYONYAJI NA WAKOLONI, NA PIA JITIHADA ZAKE KATIKA KUTATUA MIGOGORO MBALIMBALI ILIYOKUWA IKIHATARISHA AMANI NA UTULIVU KATIKA NCHI MBALIMBALI AFRIKA NA HASA UKANDA WA MAZIWA MAKUU.

SIKU YA LEO TUNAPOMKUMBUKA MWALIMU NYERERE, WATANZANIA TUKUMBUKE KUENZI MAISHA YAKE PIA IKIWA NI PAMOJA NA KUYAISHI KWA MATENDO YALE MAZURI YOTE AMBAYO MWALIMU ALITUFUNDISHA NA KUTUACHIA.

TUENDELEE KUPIGANIA AMANI UMOJA NA MSHIKAMANO WETU, HASA KATIKA WAKATI HUU AMBAPO TAIFA LETU LIKO KATIKA MCHAKATO WA KUANDIKA KATIBA MPYA AMBAYO NDIYO TAA NA MWONGOZO WA TAIFA LETU.

CHAMA CHA MAPINDUZI TAWI LA MOSCOW – URUSI KINAWATAKIA WATANZANIA WOTE SIKUKUU NJEMA YENYE AMANI NA UTULIVU.

"UPUMZIKE KWA AMANI MWALIMU"

IMETOLEWA NA UONGOZI , TAWI LA CCM MOSCOW – URUSI.